ԱՐՏԵՐԸ ՆԵՐԿՎԵՑԻՆ ԱՐՅՈՒՆՈՎ
Դանիել Վարուժան "ԿԱԿԱՉՆԵՐ"
Քո´յր իմ, ցանքին մեջ կակաչներ կան, քաղե՛.-
Ահա սիրող սիրտերու պես կարյունին:
Պիտի իրենց բաժակներեն բյուրեղե
Խմենք ալիքն արևին:_____
Անոնք ա´յնչափ բռնկեր են` որ կարծես
Հրդեհն իրենց կայրե դաշտերը անհուն:
Պիտի իրենց բաժակներեն հրակեզ
Խմենք կայծերն աստղերուն:_____
Քույր իմ, քաղե´, լորի մը պես ծածկված
Ցորեններուն մեջ` որ մեղմիկ կնազին:
Պիտի իրենց բաժակներեն բոսորած
Խմենք արյունն ակոսին:_____
Անոնք ծռած արտույտներու բույնին վրա
Լալ շողերով ողկույզ-ողկույզ կծփան:
Պիտի իրենց բաժակներեն հակընթյա
Խմենք խոստումը գարնա:_____
Քաղե´, քո´ւյր իմ, կակաչ չէ, բո՛ց քաղե դուն.
Հրդեհն իրենց լեցուր գոգնոցդ կույսի:
Պիտի իրենց բաժակներեն փափկասուն
Խմենք կրակներն Հունիսի:_____
Ծաղկե՛ր, ծաղկե՛ր են բերնիդ պես քնքշենի,
Կխոսակցին ցորյանին հետ օրորուն:
Պիտի իրենց բաժակներեն ծիրանի
Խմենք գաղտնիքն հասկերուն:_____
Քաղե´, քո´ւյր իմ, պիտի պսակվինք անոնցմով
Վաղվան զվարթ տոնին համար գյուղակին:
Եվ պիտ` այդ բաժակներեն, պարելով,
Խմենք գինին Տարփանքին:
Դանիել Վարուժան "ԿԱԿԱՉՆԵՐ"
Քո´յր իմ, ցանքին մեջ կակաչներ կան, քաղե՛.-
Ահա սիրող սիրտերու պես կարյունին:
Պիտի իրենց բաժակներեն բյուրեղե
Խմենք ալիքն արևին:_____
Անոնք ա´յնչափ բռնկեր են` որ կարծես
Հրդեհն իրենց կայրե դաշտերը անհուն:
Պիտի իրենց բաժակներեն հրակեզ
Խմենք կայծերն աստղերուն:_____
Քույր իմ, քաղե´, լորի մը պես ծածկված
Ցորեններուն մեջ` որ մեղմիկ կնազին:
Պիտի իրենց բաժակներեն բոսորած
Խմենք արյունն ակոսին:_____
Անոնք ծռած արտույտներու բույնին վրա
Լալ շողերով ողկույզ-ողկույզ կծփան:
Պիտի իրենց բաժակներեն հակընթյա
Խմենք խոստումը գարնա:_____
Քաղե´, քո´ւյր իմ, կակաչ չէ, բո՛ց քաղե դուն.
Հրդեհն իրենց լեցուր գոգնոցդ կույսի:
Պիտի իրենց բաժակներեն փափկասուն
Խմենք կրակներն Հունիսի:_____
Ծաղկե՛ր, ծաղկե՛ր են բերնիդ պես քնքշենի,
Կխոսակցին ցորյանին հետ օրորուն:
Պիտի իրենց բաժակներեն ծիրանի
Խմենք գաղտնիքն հասկերուն:_____
Քաղե´, քո´ւյր իմ, պիտի պսակվինք անոնցմով
Վաղվան զվարթ տոնին համար գյուղակին:
Եվ պիտ` այդ բաժակներեն, պարելով,
Խմենք գինին Տարփանքին:
Комментарии
Отправить комментарий