Անիի շրջանից մեր օրերը հասած միակ թանկագին կազմը 1347 թվականից է: Այն իր մեջ ամփոփում է 1325 թ. Ջենովայում ընդօրինակված մի Ավետարան, որը Հայաստան բերվելով կազմվել ու նվիրվել է Անիի մերձակա Հոռոմոսի վանքին։ Արծաթյա, ոսկեջրած կազմի մի կողմում դրվագված է Աստվածամայրը Մանկան հետ պատկերը (անկյուններում չորս ավետարանիչները), մյուսում` Խաչելությունը: Տիրամոր պատկերից վեր նշված է կազմի պատրաստման թվականը՝ ՉՂԶ (1347), իսկ գահավորակից ներքև` վարպետի գրությունը՝ «Զմեղուցեալ ոսկերիչս Գրիգոր յիշեցէք»: 1930-ականներին Սվետական Հայաստանի կառավարությունն այս մատյանը, այլ արժեքների հետ միասին, նվիրել է Էրմիտաժին։ Կարեն Մաթևոսյանի էջից
Комментарии
Отправить комментарий