«ԵԿԵՂԵՑԻՆ ՀԱՅԿԱԿԱՆ» - երգ, խոսք՝ ՎԱՀԱՆ ԹԵՔԵՅԱՆԻ Դաշնակահար` ԱՆԱՀԻՏ ՄԵ...

Անդրադարձ. Հայաստանի Հանրապետութիւն 100-ամեակ.

1918 Մայիս 28ին, Ռուսահայաստանի կամ Արեւելեան Հայաստանի մէջ հիմնուեցաւ Հայաստանի Հանրապետութիւնը, Երեւանը ունենալով իբրեւ մայրաքաղաք։ 1920ին Սեւրի մէջ կնքուած դաշնագրով, իրաւասութիւն տրուեցաւ Միացեալ Նահանգներու նախագահ՝ Ուիլսընի, գծելու Հայաստանի սահմանները։ Հետեւաբար, բացի Արեւելեան Հայաստանէն (որ ունէր 71,330 քառ. քլմ. Տարածութիւն) Հայաստանի սահմաններուն մէջ կը մտնէին նաեւ Արեւմտահայաստանէն որոշ մասեր 90,000 քառ. քլմ. տարածութեամբ։ Այսպիսով ամբողջական Հայաստանի տարածութիւնը կը հասնէր 161,330 քառ. քլմ.ի։ Սեւրի մէջ կնքուած այն դաշնագիրը չիրագործուեցաւ։ 1920 Նոյեմբեր 29ին, Հայաստան հռչակուեցաւ խորհրդային։ Արդի Հայաստանի տարածութիւնն է շուրջ 30,000 քառ. քլմ.։ Ուիլսընեան սահմաններուն մէջ ինկող այն շրջանները, որոնք դուրս կը մնան Արդի Հայաստանի սահմաններէն, հայութեան կողմէ պահանջուած հողամասեր են։ Անոնք են՝ Թրքահայաստանը, Ախալքալաքը, Ղարաբաղը եւ Նախիջեւանը։ Հայկական լեռնաշխարհի մէջ ապրող այլազան ժողովուրդներ, դարերու ընթացքին ձուլուելով կազմած են հայ ժողովուրդը։ Հայերս կը պատկանինք սպիտակ ցեղի հնդեւրոպական ընտանիքին։ Հայաստանը, հայոց բնաշխարհը (Արմէնիա) այն երկիրն է, ուր հայ ժողովուրդը ձեւաւորուած ու անցած է պատմական զարգացման բոլոր փուլերէն։ Հայերէնը հայ ժողովուրդի ազգային լեզուն է։ Կը պատկանի հնդեւրոպական լեզուաընտանիքին եւ կը կազմէ առանձին ճիւղ։ Հայերս կրօնքով քրիստոնեայ ենք. ունինք անկախ եկեղեցի, Հայաստանեայց Առաքելական Ս. Եկեղեցին։ Կան նաեւ բողոքական եւ կաթողիկէ յարանուանութիւններուն պատկանող հայեր։
#Repost @ayfaus