Աշխարհի վրայ առկայ Վանի թագաւորութեան չորս կաթսաներէն մէկը կը ցուցադրուի «Վանի թագաւորութեան մայրաքաղաքին մէջ»
Արեւմտեան Հայաստանի Ուրֆա նահանգին մէջ 2 տարի առաջ անվտանգութեան ուժերուն կողմէ առգրաւուեր էր Ուրարտական շրջանէն մնացած պատմական արժէք հանդիսացող կաթսայ մը, որ զարդարուած էր չորս ցուլի գլուխով։
Վանի թանգարանի տնօրինութիւնն իր պահպանութեան տակ վերցնելով այս գտածոն՝ զայն տեղափոխեր է Վան եւ սկսեր է վերականգնման աշխատանքները։
Ձեռագործ երիզին վրայ ամրացուած չորս եզի գլխով կաթսաներէն երկուքը այժմ կը գտնուին Գերմանիոյ մէջ, մէկը՝ Անկարայի մէջ: Ըստ պատմաբաններուն՝ կաթսաները կրօնական արարողութիւններէն առաջ տեղադրուեր են տաճարի մուտքերուն մօտ։
Նախապատմական աշխարհին՝ ցուլերու եւ առասպելական կանացի կիսամարմիններու զարդաքանդակով պատրաստուած կաթսաները օգտագործուեր են բացառապէս կրօնական ծիսակարգերուն ընթացքին, որպէս սուրբ հեղուկի անօթ։
http://westernarmeniatv.com
Комментарии
Отправить комментарий